錦田鄉打醮-2005

歡迎蒞臨元朗 —濃情鄉都！

YuenLong Specials

※ 錦田鄉-打醮 2005 ※

錦田鄉十年一屆「酬恩建醮」(查詢24705345)

位置地圖在版面底部

更新2005/11/8醮棚圖片。
另據聞今屆於17/11/05舞鬼王。

據鄉民所說，錦田鄉打醮的特色是「行香舞鬼王」。相信不少有參觀過傳統打醮的朋友，都會留意到場內一個兩三層樓高、十分威武的紙扎公仔...稱「鬼王」，用來鎮壓邪靈野鬼的，一般是固定在場內，但錦田的習俗就有個環節...由鄉民抬這巨大的「鬼王」扎作出巡，祈求平安、風調雨順

※2005/11/17舞鬼王※



舞鬼王的重點行程都是以各村村口為主，但當晚發生了一個小插曲，途經「投注站」，亦停下鎮一鎮，引來大家歡呼喝采。

(3)

(2剛從惠康抬出來)

(1)

(5)	(4)
小弟隨鬼王追了幾條村，走到上氣唔接下氣。但奇怪啲鄉民，唔知點解咁好氣，段段都衝倒衝倒去。後尾先知原來各村接力跑的，難為了由頭追到落尾啲攝影大哥，不過氣氛好「正」。 (這類習俗對維系鄉民間的感情相當不錯。)




等咗好耐都仲未化鬼王，過醮棚醫醫肚，好耐都冇食過炸番薯、油池...好味，喺特大醮棚、大花牌嘅氣氛下食...好有感覺，好有一種回到從前的感覺。 (仲有臭豆腐、睇戲食的蔗、麥牙糖、夾餅...不過冇食，唔敢食咁耐，怕走雞化鬼王的一刻。)




企左成晚(11:00ＰＭ)就係等下面，約20秒的場面...好靚！




特別鳴謝駱漢強先生