• 番熱：基本上所有盆菜外賣包裝，都以金屬盆或瓦盆剩載，最適宜用卡式火鍋爐，以慢火加熱食用。
  
• 加料：將近食飽時，可暫時取出多餘肉料，然後加點滾水當作火鍋底，灼些青菜或煮個公仔麵吸收肉汁精華，無得頂！
  
• 朋友到訪最實際：盆菜宴，既方便又實惠，若一班朋友到訪家中，祇要簡單準備一些白飯及飲品，就有一餐富有特色的菜肴。
  
• 食唔晒: 家中人小小，食唔晒，轉器皿入雪櫃放過夜仲入味！又或者分給親戚/朋友/鄰居,「食盆」另一副產品，聚聚維系親情感情！😊講笑:邊個煮餸、邊個善後？
  
• 唔洗碗：因一般村民「食盆」都是大場面，所以都用上了即棄食具，因此「食盆」就可能連碗都不用洗，可多些時間招呼朋友。
    
• 外國朋友到訪：又可講番個盆菜起源的傳統故事，分享一下色、香、味以外的飲食文化 ... 歷史由來
   
• 反轉再反轉：還有一個「食盆」相當重要的心得；一定不可以客氣，記得要enjoy一下，將它反轉再反轉，因底層的豬皮、蘿蔔、枝竹等會吸收上層肉料的精華，如果客氣就食極都係上面幾層，切勿錯過...寶物沈歸底。記得，無人一層層食的！
   
• 單手取走：一般圍村祠堂附近都有灶頭及大鑊，多數是村民親自煮盆。部份亦會請一些盆菜食府，以到會外賣形式提供，所以一般盆菜都包裝得很方便，單手就可以輕易取走。

文字：Tom